दुख पाउँछन् चाहिनेभन्दा, जान्नेहरु यहाँ !सबैलाई आफू जस्तै, ठान्नेहरु यहाँ !!
सधैं पर्छन् पेलिनेमा, सोझा सिधामात्रै !
अह्राउनेका सबै कुरा, मान्नेहरु यहाँ !!
हुनैपर्छ सोच्न बाध्य, परिश्रमी पनि !
अघि सरी गाह्रो काम, छान्नेहरु यहाँ !!
हिँडनुपर्छ रुँदै रुँदै, उपकारी बन्दा !
फसेकालाई हात समाइ, तान्नेहरु यहाँ !!
पछुताउँछन् धोखा पाइ, रुन्छन् एकान्तमा !
चरित्रवान बन्न मनलाई, बान्नेहरु यहाँ !!
कहलिन्छन् महान् उनै, हुन्छ जयजय !
छाडिएको साँढे जस्तै, हान्नेहरु यहाँ !!
नील खड्का
सगरमाथा टेलिभिजन
सगरमाथा टेलिभिजन
No comments:
Post a Comment