गजल

हात बाँधी बस्नु हुन्न,काम गरी देखाउ नारी

 हकअधिकार बराबरी,संविधानमा लेखाउ  नारी

 धैर्यवती नाम तिम्रो,साहसिली बनी   सधैं

 असमानता समाजको,जरै देखि मेटाउ नारी

सधै पुज्ने चन्द्रपनि,भेट्न सक्छौ चाहे देखि

त्यसैले त अघि बढी,तिम्रो चन्द्र भेटाउ नारी

हीन बोकी किन तिमी,पीडित बन्छौ सधैंभरि

हेप्ने जन मानसमा,काली बनी चेताउ नारी

उठ्नु पर्छ कम्मर कसी ,एक जुट हुँदै अब

अन्यायको बिरोधी भै,दुखी आत्मा सेकाउ नारी

 इन्द्रिरा प्रयाश